Antibiotikoekiko erresistentzia

Antibiotikoen aurkikuntzak medikuntza irauli zuen milioika bizitza salbatuz; hala ere, gehiegizko erabilerak eta erabilera okerrak krisi larri bat eragin dute: antibiotikoekiko erresistentzia.

Lide Arana

arituko zaigu nola antibiotikoen aurkikuntzak medikuntza irauli zuen milioika bizitza salbatuz eta gaur egun arruntak diren hainbat tratamendu pentsaezinak dira antibiotikoen laguntzarik gabe. Hala ere, gehiegizko erabilerak eta erabilera desegokiak krisi larri bat eragin du: antibiotikoen aurkako erresistentzia. Bakterioek, oso organismo moldagarriak izanik, eboluzionatu egin dute gure tratamenduei aurre egiteko, eta gero eta zailagoa bihurtzen ari da infekzioen aurkako farmako eraginkorrak izatea. Hitzaldi honetan aztertuko dugu bakterioek nola eta zergatik garatzen duten erresistentzia, arazo horren inpaktu globala eta zer egin dezakegun horri aurre egiteko. Krisi hori bultzatzen duten faktoreak aztertuko ditugu eta konponbide berritzaileei helduko diegu, estrategia terapeutiko berrietatik hasi eta kontzientziazio eta erregulazioaren garrantziaraino. Antibiotikoen aurkako erresistentzia guztioi eragiten digun osasun publikoaren mundu mailako erronka da. Prest al gaude mikrobio horien bilakaerari aurre egiteko?

Imagen de antibiotic resistance mechanism in bacteria

Lide Arana Urbieta, Biokimika eta Biologia Molekularrean lizentziatu ondoren, Biomedikuntza eta Biologia Molekularra Masterra egin zuen, Zientzia eta Teknologia Fakultatean (EHU). 2012an, Biokimikan doktoratu zen, eta doktoretza ondoko ikertzaile izan zen bi urtez. 2013tik lipido solidozko nanopartikulak garatzen dihardu eta 2018tik antibiotikoekiko erresistentzien aurkako ikerketa proiektuetan parte hartzen du ikertzaile gisa. Bestalde, 2011tik Euskal Herriko Unibertsitateko irakaslea da. Nazioarteko ikerketa aldizkarietan artikuluak argitaratzeaz gain, liburu kapituluak eta dibulgazio artikuluak ere argitaratu ditu hainbat aldizkari eta egunkarietan.