Ezagutu gaitzazu

ZarautzOn irabazi asmorik gabeko elkarte bat da, Zarauzko ongizatea sustatzea helburu duena.
Herritarren garapenaren alde egiten dugun talde bat gara, hainbat arlotako berrikuntzak ezagutaraziz: zientifikoa, teknologikoa, enpresa mundukoa eta gizarte mailakoa. Herrian erreferente izateko lan egiten duen erakundea gara, eta jakin-minaren jatorri eta belarri izan nahi dugu, sare ireki bat osatuz.

Pentsatzen dugu gure hizkuntza, kultura eta gizarte-antolamendua ezagutzeak eta sustatzeak gure memoria eta gure nortasuna indartzen laguntzen duela, gizarte moderno eta dinamiko gisa.

Zientzia

Zientziak eta ezagutzak gure erabakietan askeago izaten laguntzen digutelako. Gizarte plurala, irekia eta integratzailea lortzen laguntzen dutlako eta haien balioak elkarrekin partekatzen uzten duelako. Zientziak gizarte baten hezkuntza eta aurrerapena adierazten dituelako.

Teknologia

Aurrerapen eta aurkikutza orok pertsonen bizimoduan eragin handia duelako. Aurrerapen teknologikoen alderdi positiboak aurkitu eta zabaldu nahi ditugulako. Gure pribatutasunari egindako erasoak identifikatu eta horiengandik babesa jaso nahi dugulako, eta herritarrek dituzten eskubideak eta askatasuna errespetatu nahi ditugulako.

Berrikuntza

Herritarrok, enpresekin eta erakundeekin batera, proposamen berriak egin eta antolaketa sozial eta ekonomikorako modu berriak eskaintzen ditugulako. Bizi dugun erronkari aurre egiteko modu bakarra delako. Aurrera egin behar dugulako lehiak eskatzen digun erritmoan eta gizarte aurreratuenen, aberatsenen eta kohesionatuenen abiadan.

Ekintzailetza

Sustapen eta ekimen arloan ibilbide luzea duen gizartearen parte garelako. Egonean egotea eta dagoenari eustea atzera egitea delako. Ekintzaren bitartez ezagutzea konponbideak bilatzea delako. Proposamenak leialtasunez eta erantzukizunez planteatzea elkarlanean aritzea delako. Arriskatzea ere beharrezkoa delako aurrera egin nahi badugu.

ZarautzOn

Zer eskeintzen dugu?

Herritarrei aukerak ematea da gure eginkizuna, informazioa emanez, prestakuntza eskainiz eta elkarren arteko harremanak bultzatuz. Bereziki interesatzen zaizkigun gaiak zientziarekin, teknologiarekin eta ekintzailetzarekin lotutakoak dira. Oro har gure etorkizun ekonomiko eta sozialean eragin nabarmena duten berrikuntzak dira interesguneak, eta iraganean izandako esperientzia aberatsei ere garrantzia eman nahi diegu.

Horretarako abangoardian dauden gaiei buruzko dibulgazio-programak antolatzen ditugu eta/edo laguntzen dugu, hainbat formatu landuz:

Hitzaldiak eta ondoren solasaldia.

Bideo-dokumentalak erakutsi eta ondoren solasaldia.

Afariak eta eztabaida.

Bisita gidatuak interesguneetara.

Lankidetzan lan egiten ikasteko tailerrak.

Zuzeneko online elkarrizketak.

ZarautzOn - Zer eskeintzen dugu

BAZKIDE SORTZAILEAK

Juan Carlos Berraondo

Diruzaintza

Ana Belén Juaristi

Asier Mendoza

Jose Mari Larramendi

Lehendakaritza

Juan Mari Iraola

Gabriel Hernández

Natalia Vahl

Lehendakariordetza

Ane Bustinduy

Fernando Lopetegi

Pedro Lizarriturri

Idazkaritza

Anjel Irastorza

Txomin Lasa

ESTATUTUAK

PLAN ESTRATEGIKOA

Harpidetu zaitez gure albiste eta ekitaldietara

LAGUNTZAILEAK

Kultura Zarautz

NIRE Stream

anfora.net