Artzaintzak zuen garrantzia eta harekin batera ekarri zituen bizimodu-aldaketak azaldu ziren. Euskal Herriko artzaintza mota guztien artetik, azken 100 urteotan izan dugun mendiko artzaintza tradizional eta estentsiboa azaldu zen, eta bertako saroia (etxola) mota ezberdinak ere aurkeztu ziren.

Gaurdaino heldu zaigun kultura eta ondare material zein immateriala ezagutu zen. Hitzaldia argitzeko, irudiak, argazkiak eta hainbat diapositiba proiektatu ziren.

Fermín Leizaola, Aranzadiko Etnografia Sailaren zuzendaria izan zen, Euskal Herriko Atlas Etnolinguistikoaren koordinatzailea eta Gipuzkoako Aldundiaren Zaharkinak proiektuen egilea. Besteak beste, Euskal Herriko Artzaiak, Gorbeiako Artzaintza, Gipuzkoako Artzainak eta Euskal Arkitektura Herritarra liburuen egile izan zen.