Infodemia, pandemia garaian
Charo Sadaba
Asteartea, Martxoak 2, arratseko 19.00ean, gure ohiko areto birtualetan
2020ko martxoan mundua konfinatu zenean, pantailak aktibo garrantzitsu bihurtu ziren, ez bakarrik lan egiteko, entretenitzeko edo harreman sozialari eusteko, baita munduko gertaeren bilakaeraren berri izateko ere. Hasieran, bizi genuen salbuespen-egoera testuinguruan kokatzen lagundu ziguten, baina, era berean, informazioaren kontsumitzaileen artean deserosotasun handiagoa sortzen lagundu zuten: Iberoamerikako bederatzi herrialdetan egindako azterlan batek Covid-19ari buruzko berrien kontsumoa ondoeza pertsonalaren sintoma gehiagorekin lotzen du. Hori desinformazio-olatu baten sorrera azaltzeko gakoetako bat izan liteke hilabete haietan. Ponentziak gertakari horietako batzuk azaldu nahi ditu eta, aldi berean, informazioaren eta pantailen aurrean denbora luzez egoteak izan ditzakeen ondorio negatiboetatik nola babestu hausnartzeko zenbait ideia eskaini.
Charo Sádaba Universidad de Navarra-ko Komunikazio Fakultateko irakasle titularra da, eta 2017ko ekainetik fakultateko dekano kargua betetzen du. Bere ikerketa-lerro nagusia teknologiak komunikabideetan eta publiko gazteengan duen eragina da. Europako Batzordearekiko aditu independentea da Safer Internet Programan, eta 2018an Espainiako 100 emakume liderren artean hautatua izan zen, adituen eta pentsalarien kategorian.
Prentsa:
Kartela:
