«Kontzientzia»: ZarautzOn-en oroigarria hizlarientzat
ZarautzOn-ek Erik Aranburu zarauztar artista gazteak egindako litografia bat oparitzen die bere hizlariei. 2/15 alea Arantzazu Lizartzari eman zitzaion.
Real Sociedad Bascongada de los Amigos del País
Euskal espiritu ekintzailearen kausa eta ondorioa XVIII. mendean.
AsteArte On zikloaren barruan, urriaren 28an, asteartea, 19:30ean, Antoniano aretoan, Xabier Alberdi Historia Modernoan doktore eta itsasoko historian adituak (Zehazten Zerbitzu Kulturalak) hitzaldia emango du: «Real Sociedad Bascongada, euskal espiritu ekintzailearen kausa eta ondorioa XVIII. mendean».
Euskalerriaren Adiskideen Elkartean (Real Sociedad Bascongada de Amigos del País, RSBAP) bildu ziren ilustratuek (1764) Euskal Herrian aurrera eramandako egitasmo zientifiko, teknologiko eta pedagogikoen inguruko azterketa bat egingo da. Euskal Herriko ekonomia, gizarte eta ohituren inguruan berriztatze-lan izugarria burutu zuten, uneko zailtasun ekonomikoak gainditu eta aurrerapenaren kontrako aurreiritziak baztertzeko asmo argiarekin.
Elkarte honen lorpen handienen artean Bergarako Errege Mintegiaren sorrera (1776) dugu, garaiko Europako ikerketa-gune eta ikastetxe aurreratuenetako bat. Politika honek gaur egunera arte ekarritako ondorioak aztertuko dira. Halaber, Ilustrazioak gainditu nahi izan zituen ustezko atzerapen zientifiko eta teknologikoaren inguruko hausnarketa egingo da.
Osagarri gisa, azaroaren 8an, larunbata, Azkoitiko Insausti jauregia eta alde zaharra bisitatuko ditugu, Bascongadaren sorlekua.
2014ko urriaren 28an, asteartea, Xabier Alberdik Euskalerriaren Adiskideen Elkarteaz —Real Sociedad Bascongada de Amigos del País— hitz egin zigun Antoniano aretoan. Azkoitian sortu zen, Peñafloridako kondea buru zuen «Azkoitiko zalduntxoen» solasaldiaren inguruan, eta 1765ean eratu zen ofizialki. Alberdik azaldu zuen XVIII. mendeko euskal espiritu ekintzailearen kausa eta ondorioa izan zela.
Hitzaldia azaroaren 8an Azkoitiko Insausti jauregira egin genuen bisitaren prestaketa izan zen.
Xabier Alberdi Lonbide (Zarautz, 1969) Historia Modernoan doktorea da Euskal Herriko Unibertsitatean (2006) eta euskal itsas historian aditua. 2005etik Zehazten Zerbitzu Kulturalak enpresako zuzendaria da; ikerketa historiko-arkeologikoa eta haren emaitzen hedapena lantzen ditu enpresak. Hainbat elkartetako kidea da, besteak beste Albaola eta RSBAP.
Zainketa aringarriak Lehen Arretan: zer jarri behar da erdigunean?
Bizitzaren amaiera bezalako gai sentikor bat poesiaz janzteko eta hain esaldi dotorez uztartzeko erakutsi zuen trebezia benetan bikaina izan zen.
«Mundu-menderatzearen ideologia»
Peter Thiel, 2002an: «Alexandro Handi bat behar dugu, Estatu Batuak murgilduta dauden korapilo gordiarra ebakiko duena. Eta presidente horrek ezin du presidente konbentzional bat izan, presidente konbentzional bat lotuegi baitago Estatu Batuetako Konstituzioaren egitura osoarekin.»
Bisita gidatuak
Hitzaldiak
Notiziak
Solasaldiak Koronavirus garaian
Tailerrak
Zineforum
