Deskarbonizazioa, hidrogeno berdea

Ekain Fernández, Tecnaliako ikertzaile zarauztarra, eta Carlos Fúnez, Gaztela-Mantxako Unibertsitateko irakaslea, hidrogeno berdeaz eta deskarbonizazioaz mintzo dira.

Irailaren 21ean, asteartea, 19:30ean, Zarauzko Modelo Aretoan, ZarautzOnek "Deskarbonizazioa, hidrogeno berdea" hitzaldia antolatu du. Hizlariak: Ekain Fernández, Tecnaliako hidrogeno-teknologien arduraduna, eta Carlos Fúnez, Gaztela-Mantxako Unibertsitateko irakaslea (bideokonferentziaz).

Hitzaldiaren kartela

Gaur egun ekoizten den ia hidrogeno guztia hidrogeno grisa da; prozesu horretan atmosferara 830 milioi tona metriko CO2 (Mtm) isurtzen dira (isuri guztien % 26). Lehen urratsa prozesu horiek energia garbi eta berriztagarrien sorgailuetara konektatutako elektrolisi-sistema elektrikoekin ordeztea da; hala lortzen den produktua hidrogeno berdea da.

Kostuetan lehiakorra den hidrogeno berde hori funtsezkoa izango da herrialde gehienek 2030erako eta 2050erako berotegi-efektuko gasak murrizteko hartu duten konpromisoaren ondoriozko trantsizio energetikorako. Horretarako, diru asko inbertituko da bi arlotan: energia berriztagarrien bidez elektrizitatea sortzean eta mintz-elektrolisiaren bidez hidrogeno berdea lortzean; eta beste sistema batzuk ere probatuko dira, hala nola fotoelektrolisia. Beste gai batzuetan ere aurrera egingo da, hala nola biltegiratzean eta garraioan, hidrogenoa ezartzeko bigarren fasean erabiltzeko gakoak baitira: mugikortasunean aplikatzea (errepideko, itsasoko eta aireko garraioa), CO2 isurien % 27 baita.

Errealitate berri horretara hurbiltzeko, gurekin izango dugu Ekain Fernández, ikertzaile zarauztar gazte eta, aldi berean, heldua. Haren ibilbide profesionala Tecnalia enpresari lotuta egon da, eta gaur egun hidrogenoaren teknologien arduraduna da bertan; berriki, gainera, hidrogenoa banatzeko Europako batzordeko koordinatzaile izendatu dute.

Eta beste hizlari bat ere badugu, telematikoki, Carlos Fúnez, beteranoagoa. Haren ibilbide profesionala AeH2 Hidrogenoaren Espainiako Elkartearekin lotuta egon da; gerora Iberlyzer proiektuaren Berrikuntza zuzendari izan da eta gaur egun Iberdrolako hidrogeno berdearen unitateko zuzendaritza-taldean dago, baina gurera dator Gaztela-Mantxako Unibertsitateko irakasle eta dibulgatzaile gisa.

Irailaren 21a, asteartea, 19:30ean, Zarauzko Modelo Aretoan.

Sarrera doakoa.

Ekain Fernández ikertzaile zarauztarra da, Tecnaliako hidrogeno-teknologien arduraduna, eta berriki hidrogenoa banatzeko Europako batzordeko koordinatzaile izendatu dute.

Carlos Fúnez Gaztela-Mantxako Unibertsitateko irakaslea eta dibulgatzailea da. Haren ibilbide profesionala AeH2 Hidrogenoaren Espainiako Elkartearekin lotuta egon da; Iberlyzer proiektuaren Berrikuntza zuzendari izan da eta Iberdrolako hidrogeno berdearen unitateko zuzendaritza-taldean dago.

Notiziak

Kapsula Kuantikoa

Data: Azaroak 20-21
Ostiralean 09.00-14.00 eta 16.00-19.00
Larunbatean 10.00-14.00 eta 16.00-20.00
Lekua: Zarauzko Malekoian, Dama ondoan
info@kuantika.eus edo 945 180 736

Descubre más

Bisita gidatuak

Bisita gidatuak

Hitzaldiak

Hitzaldiak

Notiziak

Notiziak

Solasaldiak Koronavirus garaian

Solasaldiak Koronavirus garaian

Tailerrak

Tailerrak

Zineforum

Zineforum