Estella-Lizarra: Erdi Aroko ibilbidea

ESTELLA-LIZARRARA BISITA GIDATUA

Datorren larunbatean, azaroaren 17an, ZarautzOn-ekin Estella-Lizarrara goaz, Tierra Estella merindadearen hiriburu den nafar herrira, bere Erdi Aroko garaiak nola izan ziren ezagutzera.

Erdi Aroari buruzkoak

• Hasiera batean «Lizarra» izeneko baskoi herria izan zen. 1090ean, Santxo Ramirez erregeak forua ematearen ondorioz, Santiago bideko ibilbidea aldarazten du, Lizarratik bertatik pasaraziz.
• Lehenengo bizilagunak azalduko dira, gehienak Frantziako Auvernia eta Limousin eskualdekoak.
• Hiriaren gorakada nabarmenena XII. mendean izan zen. Bisitatuko ditugun elizak eraikiko dituzte: San Pedro de la Rúa, Hilobi Santua, San Miguel, San Juan, baita zenbait komentu ere.
• XIII. mendean mugako herri militarizatu bihurtuko da, gaztelu eta guzti.
• 1328an heriotza asko jasango ditu, juderiak jasotako erasoaren ondorioz.
• 1480 eta 1484 bitartean, Estella eta Lizarra herria elkartzearekin, hiri titulua jasoko du. Sekulako aurrerakadarik handiena suposatu zuen herriarentzat.
• 1512. urtean, Nafarroa garaitua izatean, gotorlekuak birrindu egingo dira, hiri honen Erdi Aroko garaia amaitutzat emanez.

Agenda

• 9:30: Karmelitetatik autobusaren irteera.
• 11:00: Lizarrara iritsiko gara. San Pedro klaustroa ikusiko dugu.
• 11:00-14:00: Erdi Aroko gunea oinez egingo dugu, CETEkoen laguntzarekin (Centro de Estudios Tierra Estella). Besteak beste, hauek ikusiko ditugu: San Pedro eliza, judutar auzo zaharra eta bere sinagoga (egun Santa Maria Jus eliza dena) eta Hilobi Santua, eta San Miguel gotorleku-elizan bukatuko dugu ibilbidea.
• 14:00-15:00: Estella-Lizarra inguruan pasealdia.
• 15:00-17:00: Bazkaria Txantona jatetxean.
• 17:00-18:30: Mahai-ingurua Toño Ros historialariarekin. El nacimiento de Estella y sus castillos bere liburuari buruz hitz egingo digu, gure galderei erantzunez.
• 18:30: Zarautzera itzuliko gara.