Igeldoko Behatokia, barrutik

ZarautzOnek Igeldoko Behatokira bisita gidatua antolatu zuen 2017ko martxoaren 25erako, larunbatean, meteorologian aditua eta AEMET Euskadiko ordezkaria den Margarita Martinekin.

Martxoaren 23an Meteorologiaren Mundu Eguna ospatzen zen, eta duela gutxi Margarita Martinen hitzaldia izan zenez, Igeldoko Behatokira joateko bisita gidatua antolatu zen. Margaritak berak erakutsiko zuen behatokia eta azalduko zituen bertan egiten dituzten azterketak eta bere lana zertan datzan. Bisitak ordu eta erdiko iraupena izango zuen, eta ondoren pintxo bat jatera joango ziren elkarrekin solasaldian jarraitzeko, Zarautzera itzuli aurretik.

Egitaraua

• 9:30 – Autobusa irten Nafarroa kaleko geltoki berritik (Bai Batzokia jatetxearen aurrean)
• 10:00 – Igeldoko Behatokiko bisita
• Solasaldia pintxo batekin
• 14:00 – Zarautzera itzulera