Aizarnako meategiak, Aitziber Gorrotxategi historiagilearekin

AIZARNAKO MEATEGIETARA BISITA GIDATUA

ZarautzOn-ek Aizarnako meategietara bisita gidatua antolatu du datorren larunbatean, irailaren 22an.

Aitziber Gorrotxategi historiagilearen laguntza izango dugu, «Meatzaritza nekazari-herri batean» liburuaren egilea.

Aitziber Gorrotxategi eta Ion Egiguren Katre meatzeko kargalekuan (2019). Argazkia: Lobo Altuna.

«Luisito», «Petra», «Garestia», «Cuarta»… hamabi meatze zeuden Aizarnan XIX. mendearen erdialdean. Ertxina eta San Pelaio mendietan kokatuta zeuden. Meatze bakoitzean 30 bat langile.

Nortzuk ziren langileak? Zergatik hainbeste meatze? Zertarako lignito-meatze horiek? Nola atera eta garraiatzen zuten Arroa eta Zumaiaraino?

Zer da «Ilargiesnea» (moon-milk)? Eta «iraulika» zer da eta nola ekoizten da? Gainera, gazte askok soldaduzka lan horretan zihardutela bete ohi zuten. Nolatan hori?

Goiz honetan Jose Mari Izaga eta Karmelo Urdangarin izango ditugu gurekin, Oficios tradicionales izenburupean argitaratu zuten liburuaren egileak.

Hauek denak azalduko dituen bisita gidatura etortzera gonbidatzen zaituztegu.

Agenda

• 8:30: Irteera, Frantziskotarren aurreko autobus geltokian. Joan-etorria autoetan egingo dugu.
• 9:00: Ilargiesnea dagoen meatze-ahora bisita.
• 10:30: San Pelaio mendiko meatzeak.
• 12:00: Hamaiketakoa eta solasaldia Anbu landetxean.
• 14:00: Zarautzera iristeko ordua.