Etorkizuneko lana

Ibon Zugastik mezu positiboa utzi zuen lanaren etorkizunaz: lanpostuak suntsituko dituen teknologia bera funtzio eta zerbitzu berrien aukera izan daiteke.
"Etorkizuneko lana / El futuro del trabajo" hitzaldiaren kartela, Ibon Zugastirekin

Urriaren 23an, asteartea, 19:30ean, Zarauzko Antoniano Aretoan, "Etorkizuneko lana" hitzaldia izango dugu, Ibon Zugastirekin, Prospektikerreko zuzendariarekin eta Millennium Proiektuaren Espainiako nodoko presidentearekin.

Lanaren, enpleguaren eta ekonomiaren izaera aldatzen ari da, eta aldatzen jarraituko du hurrengo 35 urteetan. Adimen artifizialaren etorkizuneko formak, robotika, biologia sintetikoa, droneak, 3D inprimaketa edo nanoteknologia dira gaur ezagutzen dugun lanaren eraldaketarekin zerikusi handia izango duten elementuetako batzuk. Aldi berean, zenbait ahotsek ohartarazten dute munduak 2050erako langabezia masiboari aurre egin diezaiokeela. Hori izan zen Millennium nazioarteko pentsamendu-sareak 2016an argitaratutako Lanaren Etorkizuna 2050 azterlanaren ondorio nabarmenetako bat; 2018an, sareko Espainiako nodoaren eskutik eta Telefónica Fundazioarekin, espainiar edizioa izan du.

Millennium Proiektua 1996an sortutako pentsamendu prospektibo globaleko talde bat da, eta munduan zehar 60 nodo baino gehiagoren bidez korporazioetako, unibertsitateetako, GKEetako, NBEren agentzietako eta gobernuetako adituak lotzen ditu. Haren helburua epe luzeko erronka eta estrategia garrantzitsuak identifikatzea da, azterlan prospektiboen, tailerren eta sinposioen bidez.

Prospektiker, 1987an Zarautzen sortutako Gipuzkoako prospektiba-kontsultoretza, mundu mailako sare honen Espainiako nodoa eta txostenaren erredaktorea da. Haren egungo zuzendariak, Ibon Zugastik, lan hau aurkeztuko digu. Txostena egiten 50 herritako 300 aditu baino gehiagok hartu dute parte, eta 2050eko urtea begiratuz 50 estrategia planteatzen ditu, gertatuko diren eraldaketa sakonei lotutako zailtasunak gainditzeko eta aukerak aprobetxatzeko. Ondorioen artean, aldaketa sakonak egin beharko direla nabarmentzen da hezkuntza-, ekonomia- eta politika-sistemetan, eta lanaren kontzeptuan bertan.

Txostenaren adituek, beste erronka batzuen artean, honako beharrak azpimarratzen dituzte: lan-merkatuaren monitorizazioa joera eta teknologiei dagokienez; gardentasunaren, ebaluazioaren eta komunikazioaren sustapena; sareko koordinazioa eta zeharkakotasuna enpleguan, industrian eta hezkuntzan; eta ekintzailetzarako eta autoenpleguarako baldintzen eta baliabideen hobekuntza. Azterlanak adierazten du, halaber, errebolutzio digitala hurrengo hamarkadetan ziurgabetasunaren eta aldaketen azelerazioaren zeinupean agertzen dela, baina baita informazioaren eta ezagutzaren kudeaketan ia mugarik gabeko aukeren zeinupean ere.

Urriaren 23an, asteartea, 19:30ean, Zarauzko Antoniano Aretoan.

Sarrera doakoa.

Ibon Zugasti Prospektikerreko zuzendaria da, 1987an Zarautzen sortutako Gipuzkoako prospektiba-kontsultoretza, eta Millennium Proiektuaren Espainiako nodoko presidentea. Horrez gain, Prospektibaren Ibero-Amerikar Sareko (RIBER) zuzendari exekutibo ordea, Prospektibaren Europako Sareko (FEN) presidenteordea eta ASEPICeko (Inteligentzia Lehiakorra Sustatzeko Espainiako Elkartea) Zuzendaritza Batzordeko kidea da.

Notiziak

Kapsula Kuantikoa

Data: Azaroak 20-21
Ostiralean 09.00-14.00 eta 16.00-19.00
Larunbatean 10.00-14.00 eta 16.00-20.00
Lekua: Zarauzko Malekoian, Dama ondoan
info@kuantika.eus edo 945 180 736

Descubre más

Bisita gidatuak

Bisita gidatuak

Hitzaldiak

Hitzaldiak

Notiziak

Notiziak

Solasaldiak Koronavirus garaian

Solasaldiak Koronavirus garaian

Tailerrak

Tailerrak

Zineforum

Zineforum