Haurrek ere zainketa aringarriak behar dituzte

"Sentitzen dut, ezin da ezer egin zure haurraren alde" esaldiaren aurrean, kontrako mezua planteatu zen: "Gaixotasuna eta bere fase ebolutiboa edozein delarik ere, beti dago zerbait egiteko". Eta gogorarazi zen "gaixotasun sendaezinak daudela, ez tratatu ezinezkoak".

Urriaren 13ko asteartean, 19:30ean, Zarautzko Modelo Aretoan, "Haurrek ere zainketa aringarriak behar dituzte" hitzaldia izango dugu, Jesús Sánchez Etxanizen parte-hartzearekin, Zarautz Herri Zaintzailea – Comunidad Compasivarekin elkarlanean.

"Haurrek ere zainketa aringarriak behar dituzte" hitzaldiaren kartela, Jesús Sánchez Etxaniz, urriaren 13a, Modelo Aretoa, Zarautz

Urriaren 10ean Zainketa Aringarrien Munduko Eguna ospatzen da. Munduan oso hedatuta ez dagoen modalitate terapeutikoa da, paziente terminalen eta haien familien egoera lagundu, babestu eta hobetu nahi duena, maite duten pertsonaren agurrari hobeto aurre egin diezaioten. Gaur egun, OMEk ezarri du zainketa aringarriak pertsona guztientzako funtsezko eskubidea direla. Hala ere, mundu osoko gaixo terminalen % 50ek ez ditu inoiz jasotzen, eta % 75 min emozionalarekin hiltzen da. ZarautzOn elkartetik, "Zarautz Herri Zaintzailea-Comunidad Compasiva" elkartearekin batera, beste ekitaldi bat antolatzen ari gara, herritarrak zainketa mota horien inguruaz jabetzeko eta, dibulgazio-lanean lagunduz, zientziaren eta gizarte-ikerketaren ikuspegitik, zerbitzu mota hori aldarrikatzeko beharrari buruzko kontzientzia pertsonala eta herritarra sortzen laguntzeko.

Gaixotasuna eta heriotza bizitzaren zikloaren parte dira, haren elementu saihestezinak. Eta hasten diren unetik bertatik gerta daitezke, sortzen diren beretik: umetoki barruan, jaiotza-inguruan, lehen haurtzaroan, nerabezaroan, gaztaroan, heldutasunean edo zahartzaroan, maiztasun desberdinarekin. Gure bizitzako fase goiztiarretan "ez hain naturala" dirudien arren eta gehiago harritzen gaituen arren, errealitate bat da haurrak ere gaixotu eta hil egiten direla. Horregatik, eskubide bera dute, legez aitortua, zainketa aringarriak jasotzeko, behar dituztenean, adina edozein dela ere. Eta gure betebeharra da, gizarte gisa, zainketa horiek eskaintzea, haiei eta haien senitartekoei.

Edizio berri honetarako, Jesús Sánchez Etxanizen (Bilbo, 1962) ekarpen eskuzabala jasotzeko pribilegioa dugu. Gurutzetako Unibertsitate Ospitaleko pediatra da, eta Zainketa Aringarri Pediatrikoen Taldeko arduraduna. Pedpal-eko (Zainketa Aringarri Pediatrikoen Espainiako Elkartea) eta Arinduz-eko (Zainketa Aringarrien Euskal Sozietatea) Zuzendaritza Batzordeetako kidea da.

Asteartea, urriaren 13a, arratseko 19:30ean, Zarautzeko Modelo Aretoan.

Sarrera doakoa.

TANTAK

Jesús Sánchez Etxaniz (Bilbo, 1962) Gurutzetako Unibertsitate Ospitaleko pediatra da, eta Zainketa Aringarri Pediatrikoen Taldeko arduraduna. Pedpal-eko (Zainketa Aringarri Pediatrikoen Espainiako Elkartea) eta Arinduz-eko (Zainketa Aringarrien Euskal Sozietatea) Zuzendaritza Batzordeetako kidea da.

Notiziak

Kapsula Kuantikoa

Data: Azaroak 20-21
Ostiralean 09.00-14.00 eta 16.00-19.00
Larunbatean 10.00-14.00 eta 16.00-20.00
Lekua: Zarauzko Malekoian, Dama ondoan
info@kuantika.eus edo 945 180 736

Descubre más

Bisita gidatuak

Bisita gidatuak

Hitzaldiak

Hitzaldiak

Notiziak

Notiziak

Solasaldiak Koronavirus garaian

Solasaldiak Koronavirus garaian

Tailerrak

Tailerrak

Zineforum

Zineforum