Zainketa aringarriak: Familia

Heriotzari dagokionez… haurrak bezalakoak gara, ezkutaketan jolasten ari direla, begiak itxi eta inork ezin dituela ikusi irudikatzen dutenean.

Hitzaldian, familiaren esperientziara hurbilduko gara, gaixotasun kroniko aurreratua duen pertsona baten zaintzaile bihurtzen denean.

Zarautz Herri Zaintzaile elkarteaz jarraian egiten dugun 7.en ekimena hain zuzen, elkarlanean 2018tik hutsik egin gabe.

“Zainketa aringarriak” gaixotasun aurreratu eta sendaezinari aurre egiteko modu bat dira, gaixotasun honi aurre egiten dioten pazienteen eta haien familien bizi kalitatea hobetu nahi duena, prebentzioaz eta diagnostiko goiztiar, ebaluazio egoki baten bitartez sufrimendua arinduz, eta nola ez, mina eta beste zenbait arazo fisiko, psikosozial eta espiritualen tratamendu egoki baten bidez”

Familiako kide bat gaixotu eta bizi amaiera egoeran dagoenean, familia sistema osoari eragiten dio, eta egoera berrira egokitzeko berrantolatzera bultzatzen du. Rol eta zeregin berriak ikastea dakartza, bizipen emozional bizia, denbora eta ahalegin berezia eskatzen ditu askotan familia krisi bat dakarrena jasatzeko.

Lorik hau gogorarazten digu: “Guztiok egunen batean hilko garela ukatzeko joera dugu pertsonok, geure burua babesteko ezkutatu egiten dugu. Eta horrek eragiten du gure hilkortasunarekin oso harreman osasuntsua ez izatea eta maite dugun pertsona baten galerarako ez prestatzea, gure bizitzan zehar egokituko zaigun zerbait”

Zaintzaren etikatik eta begirada aringarritik abiatuta, familiek egoera horietan egiten duten lana balioan jartzen saiatzen gara.

Lori Anne Thompson Kalifornian jaio zen, baina 1984tik Euskadin bizi da.”la Caixa” Fundazioak gaixotasun aurreratuak dituzten pertsonei arreta integrala emateko duen programaren Gipuzkoako arreta psikosozialeko taldearen zuzendaria da. Matia Fundazioko Zainketa Aringarrien Unitatean, Donostian, 1993tik ari da. Zainketa aringarrietan garatutako tesiaz, master eta graduondo beste titulu batzuekin batera Psikologian doktorea da Deustuko Unibertsitatetik.

Gaur egun, Matia Fundazioaren, SECPALen eta Vic/UCCko Unibertsitatearen artean egiten du lan, eta Zainketa Aringarrietako Espainako Psikologia Elkarteko sortzaile eta lehendakariorde bada ere. Halere Zainketa Aringarrietako Psikologoa bezala aurkezten du bere burua.