ZarautzOnen 10. urteurrena

Irailaren 24an, gure 10.en urteurrena  ospatu genuen

ZarautzOneko bidelagun izan zareten

eta Modelo Aretora hurbildu zineten guztiekin.

Honela agurtu gintuen Fernando Valladares lagunak gure urteurrenean, Modelo Aretoko pantailan ikusi eta entzun ahal izan genuena.

Nor gara?

2014tik ZarautzOn irabazi asmorik gabeko elkarte bat da, Zarauzko ongizatea sustatzea helburu duena. Herritarren garapenaren alde egiten dugun talde bat gara, hainbat arlotako berrikuntzak ezagutaraziz: zientikoa, teknologikoa, enpresa mundukoa eta gizarte mailakoa. Pentsatzen dugu gure hizkuntza, kultura eta gizarte antolamendua ezagutzeak eta sustatzeak gure memoria eta gure nortasuna indartzen laguntzen duela, gizarte moderno eta dinamiko gisa.

Hamar urte elkarrekin

ZarautzOn elkarteko lehendakaria den Ana Belén Juaristik honela zioen ekitaldia agurtzerakoan.

“Ospakizuna, elkar ikustea, esker ona eta etorkizunari begirada lasaiak, ZarautzOnen 10. Urteurrena zuzen adierazten dute. Ondo egindako lana eskertzea eta errekonozimendua funtsezkoak dira bizitzako arlo guztietan. Pertsonen eta erakundeen bizitzaren parte izan diren pertsonekin berriz elkartzeak indartzen ditu gure asmoak. Sarri ahazten zaigu eskerrak ematea, bainan gaur ozenki publiko egin nahi dugu, gure ametsa errealitate bihurtzen protagonista izan zareten guztioi. Gure mugez jabetuta, baina Zarautz integratuago eta gizatiarrago bat lortzeko proiektu honetan sinestu duzuen indarrarekin, elkarrekin partekatzera deitzen zaituztegu. Batzuek amesten genuen ZarautzOn, guztion artean jarraitzeko asmoz, Ongi etorri eta Eskerrik asko!” 

Hamarkada honetan zehar ZarautzOnen parte hartu duten gonbidatu batzuen hitzaldi laburrekin, elkarteak gaurdaino egin duen ibilbidea azaldu genuen guk uste modu arinean. Hizlari hauen laguntzari esker, iragana ohoratu, oraina bizi eta etorkizunera begiratu genuen, guzti hori balioan jarri nahi izan genuen. Ekitaldi amaieran, begirada zerumugan jarrita Andu Lertxundik, herrikide ondo ezagunak hitzaldi ezin hobe bat eskaini zigun. Beste sorpresa gogoangarriren bat ere izan zen ekitaldian. Egun horretan Modelo aretoan egin genuen ekitaldia amaitzean, Arralde-Txiki Elkartera hurbildu ginen, mokadutxo bat hartzera ekitaldiko gonbidatu eta elkartu ginenen arteko solasaldian.

Ekitaldia eta ekitaldiaren bideoa

Miren Altuna

Ula Iruretagoiena

Carlos Briones

Fernando Valladares

Daniel Zulaika

Ana Galarraga Ohorezko Bazkide Ane Bustinduy-ren eskutik.

Felix Zubia Ohorezko Bazkide Jose Mari Larramendi-ren eskutik.

ANDU LERTXUNDIren hitzaldia

JUAN IGNACIO PEREZ IGLESIASen agurra ZarautzOneko bazkide eta bidelagunei

Goxo bukatu genuen lagun artean

  .

Demokrazia, ‘ethos’ gisa, bizitzeko eta elkarrekin bizitzeko modu bat da, eta, ondorioz, gizartea antolatzeko baldintza orokor bat”