Zergatik ez dut gogorik? Eta larrua jotzearen inguruko beste kontu batzuk

Moralitate faltsu uholde garai hauetan, sexualitateaz hitz egiteak ia "pekatu" dela dirudi. Halere, kontua da tabuak, mitoak eta beharrik gabe gainean daramagun hainbat istorio bertan behera uztea.

Hitzaldi honetan, sexualitateaz arituko gara, argi eta garbi eta mitorik gabe: zergatik desira ez den beti berez agertzen, gizon eta emakumeei buruz ditugun ideia faltsuez, koitozentrismoaren presioaz, “atariaz” edo “aurreko faltsuez”, orgasmoaz, klitoriaz eta eiakulazio goiztiarraz. Sexualitatea ikuspuntu errealista, zabal eta atseginago batetik ulertzeko proposamen bat da; erruak eta ezinezko itxaropenak arintzeko, eta harremanetan sexu plazerra, komunikazioa eta gozamena berreskuratzeko. Dibulgazioa, umorea eta zorroztasun zientifikoa, “horrela izan behar zuela” uste genuen hori guztia birpentsatzeko.

Laura Morán Fernández, Psikologoa, Sexologoa eta Familia Terapeuta da, dibulgatzaile ezaguna da, batez ere sexualitatearen inguruko mitoak apurtzeagatik eta zientzia eta umorea uztartzeagatik. Psikologian lizentziatua (Deustuko Unibertsitatea), Sexologia klinikoan espezializatua. Bikote eta Familia Terapian aditua. Master ezberdinak ditu bai familia, edota sexualitateari buruzkoak. Urteetako esperientzia du terapia pribatuan, banakako zein bikote arazoak lantzen. “Hobe informatzea eta trebatzea, sendatzea baino” leloaren aldeko defendatzaile sutsua.

Dibulgazio Zientifikoan oso aktiboa da esparru honetan. Ezaguna da Naukas bezalako plataformetan parte hartzeagatik, non sexualitatea ebidentzia zientifikotik azaltzen duen. Ohiko kolaboratzailea da irrati eta telebistan (adibidez, RTVEko Órbita Laika saioan edo Boulevard Radio Euskadiko saioan), sexualitateari buruzko edukiak modu argi eta dibertigarrian zabalduz. “Orgas (mitos)” liburuaren egilea da, oraingoz agortua dagoena. Bertan, plazerari buruzko ikuspegi zientifiko eta desmitifikatzailea eskaintzen du.

Podcast

YouTube