Donostiako Untzi Museoa: euskaldunak eta Ameriketako independentzia

ZarautzOnek Donostiako Untzi Museora, duela gutxi eraberritu denera, bisita gidatua antolatu zuen 2018ko martxoaren 24rako, larunbatean. Gidaria Xabier Alberdi izango zen, Donostiako Untzi Museoaren arduraduna.

Bisitaren edukia

• Ameriketako independentziaren gerratera euskaldunek egindako ekarpena.
• Museo bertan Albaola untziaren eraikuntzarako lantzen ari diren atal txikien tailerra.
• Rafael Munoaren 63 muralak, itsasoarekin loturikoak; esate baterako, XIX. mendean zarauztarren eta oriotarren artean harrapatutako balea.

Bisitatuko ziren gai horiek guztiak museoko solairu desberdinetan daude kokatuak, eta Xabier Alberdiren azalpenak ondo jarraitzeko euskarri grafiko eta bisualak izango ziren lagungarri. Bisita gidatuaren ondoren, ohi bezala, solasaldia izango zuten aperitifa hartzen zuten bitartean.

Egitaraua

• 11:00 – Elkartzea Museoaren sarreran (partaide bakoitza bere kabuz iritsiko zen)
• Bisita gidatua
• Solasaldia aperitifarekin

Helbidea: Kaiko pasealekua, 24 · Donostia.