Harreraren eta irekieraren ondoren, programa “Aliantzako proiektuen museoa” atalarekin hasi zen, entitateen ekimenak ezagutarazteko gunea. Han, ZarautzOnek Zarautzen Zientziaz Blai aurkeztu zuen, Zarautzeko zentroekin koordinatuta antolatzen duen ikertzaile gazteen ekitaldia.

Juan Ignacio Pérez Iglesias Eusko Jaurlaritzako Zientzia, Unibertsitate eta Berrikuntza sailburuak hitz batzuk zuzendu zizkien bertaratuei. Nabarmendu zuen Eusko Jaurlaritzak lehen aldiz garatzen dituela zientzia hedatzeko bere jarduerak, eta aurreko urteetan baino baliabide askoz gehiago bideratzen dizkiela. Gaineratu zuen zientzia espazio publikoan jartzeak gizartean prestigiatzen eta, beraz, legitimatzen duela, eta legitimazio hori funtsezkoa dela erakundeek gero eta politika asmotsuagoak eta baliabide gero eta handiagoak bideratzeko.

Topaketaren bideoa, Irekian (Eusko Jaurlaritzaren atarian) argitaratua:

Gero, parte-hartzaile guztiekin talde-argazkia atera zen, eta kafe-atsedenaldia egin zen.

Ondoren, formakuntza-pilulak izan ziren, gai hauei buruz: zientzia eta hedabideak, zientzia herritarra, proiektu inklusiboak sortzea eta formatu berritzaileen diseinua. Gero, elkarlanerako espazioan, entitateek elkarlan-ideiak garatu zituzten nazioarteko hainbat egun oinarri hartuta, esaterako energiarena edo kuantikarena.

Topaketaren laburpen grafikoaren arabera, aliantza ia 100 entitatek osatzen dute dagoeneko, eta Zientziaklik plataformak 50 entitate, 36 udalerri eta 510 ekitaldi ditu. Lorpenen artean daude, halaber, proiektuak finantzatzeko laguntza-deialdi berri bat, 14 proiektu onartuta; aliantzaren norabidea zaintzeko talde motorraren sorrera, entitateen zerbitzura; eta Jakinaldia, eklipsearen inguruko programa ibiltaria, 14 herritatik igaro zena.

Topaketaren bideoa, Eusko Jaurlaritzako Zientzia, Unibertsitate eta Berrikuntza Sailak argitaratua:

La entrada Jakindariren 2. topaketan hartu zuen parte ZarautzOn-ek se publicó primero en zarautzOn.

Andoni Egaña eta Eli Pagola bertsolariek bertsoa eta errima jarriko diete Arantzazu Luzarraga, Jon Gardoki eta Xabier Arregi ikertzaileek proposatuko dituzten zientzia gaiei. Ekitaldia Kike Amonarriz soziolinguista eta umoristak gidatuko du.

Bertan, ezagutza zientifikoa eta bertsoak uztartuko dira oholtzan. Sarrera doakoa izango da, eserlekuak bete arte.

Azaroaren 3a, asteartea, 19:00etan · Modelo Aretoa, Zarautz

Hiri-oasiak, Gipuzkoako itsas hondoa eta adimen artifiziala bertsolaritzan

Arantzazu Luzarraga arkitektoa eta paisajista, Arkitekturan doktorea (ETSAM-UPM) eta EHUko Arkitektura Goi Eskola Teknikoko Arkitektura Saileko ikertzailea, oholtzara igoko da egungo gizarte- eta ingurumen-beharrei erantzuteko hiri-oasiak sortzeak duen garrantziaz hitz egiteko. Zehazki, Urban Oasis proiektua aurkeztuko du. Naturaren funtzionamenduan inspiratutako ekimen horrek hiri-altzariak eta euri-lorategien diseinua uztartzen ditu, hirietan espazio atseginagoak eta freskoagoak sortzeko.

Bestalde, Jon Gardoki geologoak, Geologian doktorea (EHU) eta EHUko Harea-Itsas Bazterreko Geologia ikerketa-taldeko kideak, Gipuzkoako itsas hondoak kontatzen duena azalduko dio Modelo Aretoko publikoari. Izan ere, Zarauzko eta Donostiako kostaldetik gertu, 680 km²ko lohi-eremu bat dago. Lehen begiratuan interesik gabekoa dirudien arren, haren sedimentuek eta fosilek azken 30.000 urteetako erregistro geologiko zehatza gordetzen dute.

Halaber, Xabier Arregi informatikariak, Informatikan doktorea (EHU) eta EHUko Lengoaia eta Sistema Informatikoak Saileko irakasleak, adimen artifizialak (AA) bertsolaritzan dituen aukerak eta mugak aztertuko ditu. Bere hitzaldian, azalduko du gaur egungo tresnek oraindik ez dutela bertso egoki eta taxuzkorik sortzen. Horrez gain, teknologia horrek bertsolaritzaren munduan dituen beste erronka batzuk ere jorratuko ditu, hala nola emozioak transmititzeko gaitasuna, eszenatokiaren erabilera edo publikoarekin lortzen den konexioa.

Parte-hartzaileak

Kike Amonarriz · Aurkezlea

Tolosan jaio zen 1961ean. Euskal Filologian lizentziatua, soziolinguista eta umorista da. 2019tik 2023ra Euskaltzaleen Topaguneko lehendakaria izan zen, eta 2021etik Euskaltzaindiaren urgazlea da. ETBn Mihiluze eta Tribuaren berbak bezalako saioak aurkeztu ditu.

Arantzazu Luzarraga · Zientzialaria

Arkitekturan doktorea (Madrilgo Unibertsitate Politeknikoa, 2019) eta paisajista da, eta EHUko Arkitektura Goi Eskola Teknikoko irakaslea eta ikertzailea. Juan Sadabarekin batera Urban Oasis proiektua garatu du; prototipoa Getxoko kale batean probatzen ari dira. 2022an CAF-Elhuyar sorkuntza beka jaso zuen.

Jon Gardoki · Zientzialaria

Geologoa da, Geologian doktorea (EHU) eta EHUko Geologia Saileko ikertzailea, Harea-Itsas Bazterreko Geologia ikerketa-taldeko kidea. Asturiasko Nalón estuarioari buruzko ikerketa gidatu du (Science of the Total Environment), ikatz- eta merkurio-meatzaritzak eragindako eraldaketa historikoa berreraikitzen duena.

Xabier Arregi · Zientzialaria

Zubietan jaio zen 1964an. Informatikan doktorea (EHU, 1995) eta Donostiako Informatika Fakultateko irakaslea da 1988tik. Ixa taldeko kidea da taldea sortu zenetik, eta gaur egun HiTZ zentroko koordinatzailea da.

Eli Pagola · Bertsolaria

Ereñotzun jaio zen 1995ean. Gipuzkoako bertsolaria da; Xenpelar saria (2018) eta Argi Baltza (2024) irabazi ditu, besteak beste, eta Gipuzkoako Bertsolari Txapelketan parte hartu du. Naiz hedabideko kolaboratzailea da.

Andoni Egaña · Bertsolaria

Zarautzen jaio zen 1961ean. Euskal Filologian lizentziatua da. Lau aldiz irabazi du Bertsolari Txapelketa Nagusia (1993, 1997, 2001 eta 2005) eta zazpitan izan da finalista. 2006tik Euskaltzaindiaren urgazlea da. Idazlea ere bada (Euskadi Literatura Saria, 1999) eta Berria egunkariko zutabegilea.

La entrada "Jakinduriek mundue erreko dau" se publicó primero en zarautzOn.

Oraingoan, zarauztar gazte baten lana da: Erik Aranburu Zamora artistaren (Zarautz, 1989) Kontzientzia, tinta beltzez, grafitoz eta akrilikoz egindako jatorrizko lan baten litografia paperean (39,5 × 29 cm). Erikek ZarautzOn-en eskaerara egin du, hizlarientzat, hamabost aleko serie batean; ale bakoitzak egileak sinatutako fitxa du.

Lanean, beso bat eta esku zabal bat iluntasunetik ateratzen dira, airean esekitako sagar berde baterantz.

Bideo labur honetan Erik jatorrizkoa marrazten ikus daiteke:

Serieko 2/15 alea Arantzazu Lizartza Saizarri eman zitzaion, urriaren 6an Modelo Aretoan emandako "Zainketa aringarriak Lehen Arretan: zer jarri behar da erdigunean?" hitzaldiaren amaieran.

Eskerrik asko, Arantzazu, zure hitzaldiagatik, eta eskerrik asko, Erik, zure talentua ZarautzOn-en zerbitzura jartzeagatik.

La entrada "Kontzientzia": ZarautzOn-en oroigarria hizlarientzat se publicó primero en zarautzOn.

Arantzazu Lizartza Saizar Familia eta Komunitate medikuak (Osakidetza) "Zainketa aringarriak Lehen Arretan: zer jarri behar da erdigunean?" hitzaldia eskainiko du. Urriaren 6an, asteartean, 19:00etan, Modelo Aretoan izango da, ZarautzOn eta Zarautz Herri Zaintzaileak gonbidatuta. Bederatzigarren urtea jarraian antolatzen dugula elkarlanean ekimen hau, mundu mailan Zainketa Aringarrien eguna ospatzen den astean.

Hitzaldiaren helburua Lehen Arretan —gainezka dagoen zerbitzu batean— zainketa aringarriek hartzen duten espazioa erdigunean jartzea izango da: zer den zainketa aringarri bat Lehen Arretako lantaldearentzat, eta zer espero duten gaixoak eta senideek. Bizitzaren amaieran indartsu ote gabiltzan, edo ahulguneren bat ba ote dugun gai honen inguruan galdetuko da. Komunitateari ere keinu bat egingo zaio, baita Aurretiazko Borondateen gaiari ere.

ZarautzOn, Elhuyar eta DIPCrekin batera, Passion for Knowledge  nazioarteko zientzia-jaialdiarekin bat eginez, hitzaldiaren aurretik ON ZIENTZIA bideo lehiaketaren irabazlea proiektatuko da, Mikrobiotari buruzko 5’ko bideoa, hain zuzen ere urtarrilean izan genuen gaia. Hona hemen saritutako bideoa: Gure bigarren garuna

Urriak 6, asteartea, 19:00etan, Modelo Aretoan. Sarrera doakoa da, aforoa bete arte.

La entrada Zainketa aringarriak Lehen Arretan: <br>zer jarri behar da erdigunean? se publicó primero en zarautzOn.

Liburuan azaltzen den moduan, gizateriaren historia hurbilekoa botere inperialen olatu jarraituek markatu dute, tokiko bizi-munduak higatuz eta gizakiaren baldintza homogeneizatzeko saiakeran — antzinako inperio handietatik gaur egunera arte mantendu den ezaugarria, Villacañasen arabera. Botere horietako bakoitzak bere "teologia politiko" propioa sortu du estaldura ideologiko gisa, eta horren atzean beti egon da teknika material zehatz bat. Solasaldian, gaur egun Lurraren gaineko menderatzeko asmoak zer forma hartzen duen aztertuko dute, lehen aldiz modu zabal eta sakonean posible baita.

<Gure buruari galdetu behar diogu zein den Lurraren egungo menderatze-nahiaren forma, lehen aldiz posible dena maila zabalean nahiz sakonean.>

Lerroburu batzuk prentsan

• elDiario.es
  • "Thielen (Palantir) konponbidea erradikala da: Exekutibo bateratu bat ezartzea, epaileen zein legebiltzarren interferentziarik gabe gobernatu ahal izateko. Hori lortzeko, oreka konstituzionala hautsi nahi duen buruzagi bat beharrezkotzat jotzen du. Buruzagi hori, Thielen ustez, Trump da. Etorkizunerako, dagoeneko prestatzen ari dira haren ordezkoa, JD Vance lehendakariordea".
• El Salto
  • "Estatu baten ahulezia bere egitura diplomatiko zehatzean ikusten da. Eta hemen, noski, Trump inguratzen duen kleptokrata taldeak epe laburreko interesak ditu".
  • "Thielek Palantir gobernuei sal diezaien, Europar Batasunak desagertu egin behar du".
• RNE
  • "Kezkatuta nago munduko demokraziaren etorkizunagatik".
• Vidas Contadas
  • "Ezkerra abangoardiaren mito horrek zeharkatuta dago; geure burua abangoardian kokatu beharra dugu.".
  • ""Boterea" omnipotentziazko ilusio nartzisista eta patologikoa da, ez da gizakiontzat beharrezkoa; "gobernua" aldiz (egitura horizontal, deliberatzaile eta itzulgarri gisa ulertuta), bai, beharrezkoa da".
• Arpa Talks
  • "Trump eta MAGA mugimendua, irakurketa honetan, ebatzi gabeko erresentimendu historiko baten gorpuztea ("gestalt" bat) dira —Sezesio Gerraren eta esklabotzaren garaira atzera egiten duena—, eta ez egitasmo politiko berri bat. Beren eragile nagusia ez da etorkizuneko proiektu bat, erresentimendua eta mendekua baizik".
  • "Europak ez du "europar presidente" baten beharrik: bere balio zehatza egitura (kuasi)estatuko burokratien eta hiri-sare plural baten arteko orekan dago; eta oreka hori hobe da horrela mantentzea, zentralizazio handiago baten bidez ebaztea baino".

Argazkia: Jesús Ciscar, José Luis Villacañasi egindako elkarrizketan, elDiario.es

Irailak 22, asteartea, 19:00etan, Modelo Aretoan. Sarrera doakoa da, aforoa bete arte.

Ohi bezala ZarautzOnen, amaieran bertaratutakoekin solasaldia izango da.

La entrada "Mundu-menderatzearen ideologia" se publicó primero en zarautzOn.

"Bi ilunabarren eguna" erakusketaren ibiltaritza programa:

• BEASAIN- Erauskin Plaza -Apirilaren 10etik 20ra

• ZALLA-Madres Irlandesas Enparantza- Apirilaren 20tik 27ra

• DONOSTIA- Zigarro plaza, 1, Tabakalera- Apirilaren 27tik maiatzaren 11ra

• BERGARA – J. Irazabal Paselekua, Laboratorium Museoa- Maiatzaren 11tik 21era

• DURANGO-Ezkurdi Plaza-Maiatzaren 21etik ekainaren 1era

• BILBO-Mariaren Bihotza Plaza-Ekainaren 1etik 10era

• BARAKALDO – Clara Campoamor Kultur Gunea Gernikako Arbola kalea z/g, – Ekainaren 10etik 20ra

• VITORIA/GASTEIZ- Matxete Plaza z/g, -Ekainaren 20tik 29ra

• VITORIA/GASTEIZ -Salburua Biosfera paselekua, 4, Ataria- Uztailaren 29tik 9ra

• GESALTZA AÑANA – Errege kalea 1, – Uztailaren 9tik 17ra

• GAUBEA- Villanañe- Uztailaren 17tik 24ra

• LAPUEBLA-Lege Planoa: Uztailaren 24tik Abuztuaren 4ra.

• BIASTERI -Biasteri, Sancho Abarca Ibilbidea- Abuztuaren 4tik abuztuaren 12/14ra.

Jardueren xehetasunak programaren irudian edo www.eklipsea.euskadi.eus webgunean ikus daitezke.

Iturria:

Zientzia, Unibertsitate eta Berrikuntza Saila

La entrada <b>"Bi ilunabarren eguna"</b> se publicó primero en zarautzOn.

"El secreto de la naturaleza" dokumentalaren emanaldia eta ondorengo solasaldia Pedro Miguel Etxenikerekin Zarautzen.

Euskal Herriko Unibertsitateko Kultura Zientifikoko Katedrak ekoitzitako eta José Antonio Pérez Ledok zuzendutako dokumentala maiatzaren 19an, asteartean, 19:00etan ikusi ahal izango da Zarauzko Modelo Aretoan.

Dokumental hau Pedro Miguel Etxenike, Euskal Herriko Unibertsitateko Materia Kondentsatuaren Fisikako katedradun ohiaren eta Donostia International Physics Centerreko (DIPC) presidentearen bizitza eta lana ezagutzeko aukera da.

55 minutuko iraupena duen dokumentalak zientziaren garrantziaz hitz egiteko ariketa bat da. Izan ere, Etxenikeren hitzetan, zientzia "etorkizun justuago eta gizatiarrago baten itxaropena ematen digun hazi eraldatzailea da. Kulturalki garrantzitsua, ekonomikoki erabakigarria eta estetikoki ederra da". Horrela, Etxenikek zientziaren inguruan egindako hausnarketak azaltzen dizkio ikusleari, zientzia zer den eta zertan datzan hausnartuz.

EHUko Kultura Zientifikoko Katedraren zuzendaria den Iker Badiolak aurkeztuko du dokumentala. Emanaldiaren ondoren, Pedro Miguel Etxenikek elkarrizketa-solasaldia izango du Elhuyarreko dibulgatzaile den Guillermo Roarekin.

Maiatzaren 19a, asteartea, 19:00etan, Zarauzko Modelo Aretoan.

La entrada El secreto de la naturaleza se publicó primero en zarautzOn.

‘Errio’ dokumental sarituak Oria ibaiaren historiaren altxorrak aurkeztuko ditu Zarautzen.

ZarautzOn elkarteak antolatutako saioan, Ibon Gaztañazpi, Xabier Alberdi eta Xabier Agote izango dira Modelo Aretoan.

Oria ibaiaren historia ez da itsasontzi kontu huts bat; gizakiaren eta naturaren arteko milaka urteko elkarrizketa bat da. Apirilaren 21ean, asteartea, arratsaldeko 19:00etan, Zarauzko Modelo Aretoak Ibon Gaztañazpik zuzendutako ‘Errio’ dokumentala hartuko du.

38.000 urteko historia eta balearen epika

Dokumentalak bidaia harrigarria egiten du Nagore Urdapilleta arraunlaria gidari; txalupa batean Oria ibaian gora, itsasotik Mapilera (Aginaga) Oria ibaiaren bazterretan gordetzen diren altxorrak argitara atereaz: Altxerriko leizeak, balearen ehiza, baserri-bizitza eta itsasontzigintza (Europa osoko erreferentziazko ontziolak) lantzen dira. Nolatan lehiatu zen Oria bezalako ibai "koxkor" bat Rin, Tamesis edo Sena bezalako ibai handiekin XVI. mendetik aurrera? San Jose galeoia: Munduko altxorrik handiena barruan zuela hondoratu zen ontzi ospetsua Mapilgo ontziolan (Aginaga-Orio) eraiki zela azaltzen da, errioak mendeetan izan zuen indar teknologikoa aldarrikatuz.

Lanaren zorroztasun historikoa bermatzeko, dokumentalak bi erreferente nagusiren parte hartzea du:

• Xabier Alberdi (Euskal Itsas Museoko zuzendaria): Oria ibaia Europa mailako merkataritza-ardatza izan zela azaltzen du, Gaztelako produktuak mundura ateratzeko bide estrategikoa izaki.
• Xabier Agote (Albaolako sortzailea): Orioko ontziolen ospea eta euskal ontzigileen teknika aitzindaria aztertzen ditu, herri honek munduko ontzirik onenak eraikitzeko zuen gaitasuna goraipatuz.

Ikus-entzunezkoa proiektatu ondoren, hiru protagonista nagusiak arituko dira errioaren eta gure ondarearen inguruan: Ibon Gaztañazpi, dokumentalaren zuzendaria eta proiektuaren bultzatzailea, eta berarekin batera Xabier Alberdi (Euskal Itsas Museoko zuzendaria) eta Xabier Agote (Albaola Itsas Kultur Faktoriako lehendakaria eta itsas ondarearen sustatzailea).

ZarautzOnek herritar guztiak gonbidatzen ditu 38.000 urteko bidai honetan parte hartzera: historiaurreko lehen margoetatik hasi eta itsasontzi handien garairaino sekretu guztiak deskubritzeko aukera paregabea izango da.

Noidako (India) Nazioarteko Zinemaldian, dokumental onenaren saria jaso zuen.

Apirilaren 21a, asteartea, 19:00etan, Zarauzko Modelo Aretoan.

La entrada Errio, barratik Mapilera se publicó primero en zarautzOn.

• Erakusketa Gipuzkoa, Bizkaia eta Arabako 13 udalerritan izango da bost hilabetetan zehar.

• Jakindariren ̶ kultura zientifikoaren aldeko aliantza ̶ lankidetzarekin garatutako dibulgazio zientifikoko programa ibiltari baten parte da.

• Ekainaren 20an, herritar guztientzako jaialdi handia antolatuko da Gasteizen.

Zientzia, Unibertsitate eta Berrikuntzako sailburu Juan Ignacio Pérez Iglesiasek "Bi ilunabarren eguna" erakusketa inauguratu du gaur goizean inauguratu du Zarauzko Ama Lur parkean. Dibulgazio-ekimen honek datorren abuztuaren 12an Euskadin ikusgai izango den eguzki-eklipse osoa du ardatz. Erakusketa ilustrazio zientifikoek osatzen dute, eta astronomia-fenomeno hori modu didaktikoan, eskuragarrian eta erakargarrian publiko guztiei hurbiltzeko diseinatuta dago, herritarrak eklipsea ulertzera eta gozatzera gonbidatuz.

Inaugurazio-ekitaldian izan dira, halaber, Jesús Arana Gómez, Zarauzko alkate jardunekoa; Ana Belén Juaristi, ZarautzOn elkarteko presidentea; eta Virginia García, Aranzadi Zientzia Elkarteko Astronomia taldeko kidea. Bi erakundeak Jakindariko kide dira eta dibulgazio-programan parte hartzen dute.

13 udalerritan barrena bost hilabetean

Erakusketa dibulgazio zientifikoko jarduera-programa ibiltari baten parte da, eta zientzia Euskal Autonomia Erkidegoko hainbat lekutara eramango du. Zientzia, Unibertsitate eta Berrikuntza Sailak sustatutako ekimen honek Jakindari aliantzako 20 erakunde baino gehiagoren lankidetza du; horien artean daude Donostia International Physics Center (DIPC) eta Aranzadi, erakusketaren sorkuntzan parte hartu dutenak. Guztira 13 udalerritako plaza, parke edo kultur guneetan izango da ikusgai. Zarautzen egon ondoren, erakusketa osatzen duten lau totemak, Beasain, Zalla, Donostia, Bergara, Durangaldea, Bilbo, Barakaldo, Gasteiz, Añana, Gaubea, Bastida, Lapuebla de Labarca eta Guardian izango dira ikusgai, fenomeno astronomiko hau publiko zabalari hurbiltzeko.

Adin eta publiko guztietarako jarduerak

Programa jarduera osagarri ugarirekin osatzen da, Jakindariko erakundeen inplikazioari esker. Besteak beste, dibulgazio-hitzaldiak, haur, gazte eta helduentzako tailerrak, bisita gidatuak, behaketa astronomikoak eta ipuin-kontalari saioak antolatuko dira. Jarduera horiei buruzko informazio guztia eklipsea.euskadi.eus webgune ofizialean dago eskuragarri. Bertan, gainera, dibulgazio-edukiak, eklipsea behatzeko aholku praktikoak, intereseko estekak eta baliabide multimediak aurki daitezke. Ekimen hauen guztien helburua da jakin-min zientifikoa txikitatik sustatzea eta eklipseen fenomenoa, eta bereziki abuztuaren 12ko eguzki-eklipse osoa, hobeto ulertzeko tresnak eskaintzea.

Jakinaldia 2026: eklipsearen festa

Programaren une nabarmenetako bat Jakinaldia, 2026 jaialdia, izango da ekainaren 20an, larunbata, arratsaldez Gasteizko Matxete plazan ospatuko dena. Herritar guztiei irekitako jaialdiak egitarau oparoa izango du: haurrentzako ikuskizunak, tailer zientifikoak, bakarrizketak, arte eszenikoak eta gaueko behaketa. Jakinaldia aukera bikaina izango da elkarrekin ikasi, partekatu eta azken urteetako fenomeno astronomikorik esanguratsuenetako baten aitzakian gozatzeko.

Jakindariri buruz

2025ean Zientzia, Unibertsitate eta Berrikuntza Sailak sortua, Jakindari Euskal Autonomia Erkidegoko kultura zientifikoaren aldeko erakundeen aliantza da, eta dagoeneko 70 kide baino gehiago ditu. Bere helburu nagusia da erakundeen arteko ahaleginak batzea, ezagutza zientifikoa lurralde osora zabaltzeko, jarduera bateratuak sustatuz eta jardunbide egokiak partekatuz. 2026ko dibulgazio-programan, abuztuko eguzki-eklipsean oinarrituta, Jakindariko 20 erakundek parte hartu dute: Aranzadi Zientzia Elkartea, DIPC, ZarautzOn, Lemniskata Goierriko Zientzia Sare Herrikoia, Betelgeuse Enkarterrietako Astronomia Elkartea, Tabakalera, EHU, Kutxa Fundazioa, Polymat, Laboratorium Zientzia Museoa, Bixenta Mogel liburutegia, Izarra Astronomia Elkartea, Norarte, Abadiñoko Udala, Logos Elkartea, Astrobizkaia, Barakaldoko Udala, Arabako Natura Zientzien Museoa, CEA-Ingurugiro Gaietarako Ikastegia eta Arabako Astronomia Elkartea. Horiez gain, erakusketa Arabako beste hainbat lekutara iristeko ahaleginetan beste erakunde batzuek ere parte hartu dute, hala nola Gasteizko Udaleko Herritartasun Eskolak, Añanako Gatz Haranaren Fundazioak, Lapuebla de Labarca eta Guardiako udalek eta Gaubeako turismo-bulegoak.

La entrada Zarautz <b>"Bi ilunabarren eguna"</b> erakusketaren hastapen se publicó primero en zarautzOn.

Tailerraren ikuspegia

Tailer hau helburu nagusi batekin jorratuko dugu. Herritar gehienok bat gatoz gure gizartearen erronka eta erronken diagnostikoan, baina zailagoa egiten zaigu irtenbiderako ekintza positiboak nola bideratu eta aktibatu adostea.

Horregatik, erreferentzia bila jotzeaz gain, herrialdeek eta inperioek krisiei eta aldaketei nola iraun dieten ezagutuko dugu. Krisiek aldaketa eraldatzaile bat nola abiaraz dezaketen aztertuko dugu.

Gizateriaren azken mila urteetako erreferente historikoak aztertu ondoren, itxaropenerako bost arrazoiak xehatuz amaituko dugu.

Egilea eta liburua

Roman Krznaric Australian jaiotako filosofo soziala da. Ondo atera denaren adibide positiboak eta gaizki atera denaren kontakizun eredugarriak bilatzen ditu. Gizarteak, behin eta berriz, erronkei aurre egiteko eta krisiak gainditzeko nola altxatu diren aztertzen du, askotan egoera guztiz kontrakoa izan arren.

"El buen antepasado" liburua argitaratu ondoren —non defendatzen baitu gizateriak, batez ere Ipar Globaleko herrialde aberatsetan, "etorkizuna kolonizatu" duela, degradazio ekologikoa eta arrisku teknologikoa bertara botatzeko leku gisa erabiliz—, tailer honetan bere azken argitalpenaren irakurketa partekatua egingo dugu: "Historia para el Mañana".

Gizartearen hamar erronketan sakonduko dugu: Erregai fosilak, Tolerantzia, Kontsumismoa, Sare Sozialak, Uraren gerrak, Demokrazia, Iraultza genetikoa, Desberdintasun-behea, Makinen kontrola eta Gizartearen kolapsoa.

Metodologia

Jatorri japoniarreko "Pecha Kucha" metodologia jarraitzen dugu, talde-irakurketako dinamikara egokitua eta hainbat talde zein gaitan kontrastatua. Egiaztatu dugu metodologiaren zorroztasunak pentsamendu partekatua sortzea ahalbidetzen digula, taldekide guztien ekarpenen fruitu.

Egutegia

Saioak astearte hauetan izango dira: apirilaren 14an, apirilaren 28an eta maiatzaren 12an. Bi orduko iraupena izango dute (18:00etatik 20:00etara), eta ondoren "hirugarren denbora" bat egingo dugu, edari eta pintxo batez gozatuz elkarrizketa informal bat izateko.

DOKUMENTAZIOA

Historia para el mañana liburua (Roman Krznaric) eskuragarri dago jada Zarautzko GAROA liburudendan.

• Apirilak 14, asteartea: 1, 2 eta 3. kapituluak

• Apirilak 28, asteartea: 4, 5 eta 6. kapituluak

• Maiatzak 12, asteartea: 7, 8, 9 eta 10. kapituluak

Izen-emateak zarautzon@zarautzon.org helbidearen bidez kudeatuko dira eta "Parte-hartzailearen Eskuliburua" bidaliko dugu.

La entrada <b>Historia para el mañana</b> <b>Roman Krznaric</b> se publicó primero en zarautzOn.